Dómínódauðinn

Á miðri næturvakt hverfur yfirlæknirinn Erik Jensen í undirgöngum sjúkrahússins í Sundsvall. Rannsóknarlögreglumaðurinn Johan Axberg tengir málið fljótt við geðlækni sem hvarf sporlaust á sama stað þremur dögum áður. Sá kemur skömmu síðar í leitirnar og allt bendir til þess að honum hafi verið haldið föngnum í fáeina daga áður en hann var barinn til bana. Við nánari rannsókn finnst dómínókubbur í hálsi fórnarlambsins. Lögreglan má engan tíma missa og biður Nathalie Svensson, helsta sérfræðing landsins í persónuleikaröskunum, um aðstoð við rannsóknina. Nathalie er tvístígandi þar sem hún hefur nýlega gengið í gegnum gífurleg áföll í sínu einkalífi. En þegar í ljós kemur að systir hennar var síðasta manneskjan sem sá Erik Jensen á lífi, getur Nathalie ekki annað en tekið málið að sér. Tíminn er naumur og hún þarf að hafa uppi á sérlega slyngum morðingja. Tekst henni að leysa málið í tæka tíð? Dómínódauðinn er önnur bókin í æsispennandi seríunni um geðlækninn Nathalie Svensson eftir metsöluhöfundinn Jonas Moström. Hún birtist hér í frábærum lestri Margrétar Örnólfsdóttur.

© 2023 Storyside (Hljóðbók): 9789152167977
© 2023 Storyside (Rafbók): 9789180841696

Þýðandi: Dagur Gunnarsson

Útgáfudagur

Hljóðbók: 8 december 2023
Rafbók: 8 december 2023