Jason Thorn er heitasti leikarinn í Hollywood en auk þess er hann alræmdur kvennabósi og djammari. Hvert sem Olive lítur blasir hann við en í augum hennar er hann þó alltaf hennar fyrsta ást ... þar til lífið leiðir þau saman á ný. Það á nefnilega að gera bíómynd eftir fyrstu bókinni sem Olive skrifaði og Jason Thorne á að leika aðalhlutverkið. Það sem hann veit ekki er að aðalpersónan í lostafullri skáldsögu Olive er í raun og veru byggð á honum sjálfum. Þegar tökur hefjast er Olive sjálf fengin í nýtt hlutverk, í einhverri furðulegri blekkingu sem á að hreinsa flekkaðan orðstír Jasons á hún að leika kærustu hans. Loksins hreppir hún ástina, þrátt fyrir að það sé allt bara í þykjustunni ... eða hvað? Að elska Jason Thorn er sjóðandi heit, bráðskemmtileg og fyndin rómantísk gamansaga sem ekkert dregur undan. Ella Maise er, líkt og söguhetja hennar, ungur rithöfundur sem slegið hefur í gegn og vakið mikla lukku fyrir kynæsandi, opinskáan og krassandi frásagnarstíl.

© 2024 Storyside (Hljóðbók): 9789180840309
© 2024 Storyside (Rafbók): 9789180840316

Þýðandi: Urður Snædal

Útgáfudagur

Hljóðbók: 7 juni 2024
Rafbók: 7 juni 2024