App Store

Google Play

{{seriesTitle}} - serían

is Device Banner Block 894x1036

Stígðu inn í heim af óteljandi sögum

Hlustaðu og lestu

Margit Sandemo

Fyrsta bókin í hinum magnaða flokki Margit Sandemo, Ríki ljóssins. Þar tengjast sögurnar um Ísfólkið og Galdrameistarann, í stórkostlegum heimi handan tíma og rúms.

Loksins var fjölskylda galdrameistarans ásamt vinum sínum á leið gegnum hin dularfullu Hlið. Engan grunaði hvað tæki við hinum megin. Sem betur fer vissu Tiril og hennar nánustu ekkert um ólánið sem henti á leiðinni … að galdrameistarinn sjálfur og eldri sonur hans komust ekki inn um Hliðið …

Lára Sveinsdóttir

Storyside

JENTAS IS

Ríki Ljóssins

Handan hliðsins

Snjólaug Bragadóttir

Galdrameistarinn Móri var ódauðlegur og hafði legið í týndri dys um langa tíð. Fjölskylda hans hafði farið gegnum Hliðin, öll nema hann og Dólgur sonur hans. Nú komu Marco og Nataníel af Ísfólkinu honum til bjargar og hjálpuðu honum síðan að leita að eldri syninum sem virðist horfinn …

Ríki Ljóssins er þriðja bókaröðin í þríleiknum um Ísfólkið og galdrameistarann. Hægt er að lesa þær óháð hver annarri.

Móri og Ísfólkið

3. bindi í hinum magnaða flokki Margit Sandemo, Ríki ljóssins. Þar tengjast sögurnar um Ísfólkið og Galdrameistarann, í stórkostlegum heimi handan tíma og rúms.

Elena var sú feimna og óörugga í hópi unga fólksins í Ríki Ljóssins. Hún var viss um að vera allt of feit og að enginn liti við henni ef hún væri ekki reiðubúin að gera allt fyrir alla.

Þess vegna varð hún alsæl þegar hinn ókunnugi John sýndi henni meira en lítinn áhuga.

Lífið í Ríki Ljóssins var þó ekki bara dans á rósum. Í vandræðabænum var geðbilaður kvennamorðingi á ferli ...

Stúlkan sem gat ekki neitað

Miranda hafði alltaf verið góðhjörtuð og borið mikla umhyggju fyrir öðrum. Nú hafði hún sett sér það takmark að fara með Ljósið út til hinna vansælu í Myrkraríkinu, þótt hún vissi að margir þar væru illir og blóðþyrstir. Eftir að hafa komist fram hjá bústöðum kvikindanna sem næst bjuggu, hitti Miranda væringjana Haram og Gondagil. Síst grunaði hana að hún myndi spilla ævilangri vináttu þeirra endanlega ...

Maðurinn úr Þokudalnum

Miranda hafði tvisvar farið út úr Ríki Ljóssins og í myrku landi Tímonar varð hún ástfangin af hinum stolta væringja, Gondagil. Ást þeirra var þó vonlaus. Hann fékk ekki að koma með henni inn í Ríki Ljóssins.

Nú var endanlega búið að loka veggnum milli ríkjanna og Miranda vissi að tíminn hljóp frá þeim. Meðan hún þjáðist í einn mánuð án Gondagils, leið heilt ár úti í Myrkraríkinu …

Jónsmessunóttin

Í Ríki Ljóssins var ákaft unnið að því að senda mikilvægan leiðangur út til Svörtufjalla. Búið var að velja flesta þá sem fara áttu í þessa svaðilför, en einn vantaði enn: Þann útvalda.

Hann var ungur drengur sem sækja þurfti á dularfulla svæðið í suðurhluta Ríkis Ljóssins. Indra af Ísfólkinu var valin til að annast þennan mjög svo sérstaka dreng og það var enginn barnaleikur.

En fleira mæddi á Indru. Hún varð óvart ástfangin ... af forboðnum manni.

Sá útvaldi

Gríselda er ósvikin norn af versta tagi. Með sérstökum smyrslum gat hún gert karlmenn óða af þrá og látið vitni steingleyma öllu. Einkum var hún þó lagin við að láta dæma aðrar konur til dauða fyrir galdra.

Nú var hún komin til Ríkis Ljóssins og hafði aldrei séð eins marga girnilega karlmenn. Fyrstu verk hennar yrðu því að ryðja nokkrum ungum konum úr vegi ...

Nornin

Þegar búið var að taka nornina Gríseldu úr umferð í Ríki Ljóssins fór leiðangur út í Myrkraríkið til að bjarga stóru hjartardýrunum sem þar höfðust við. Svo vildi til að í þessa hættuför fóru margir sem áttu við vandræði að stríða í ástamálum sínum.

Úti í Myrkraríkinu biðu illar verur sem enginn hafði áður heyrt getið. Jafnvel magnaðir meðhjálparar Móra og Ísfólksins áttu fullt í fangi með þær ...

Skelfing

Sunna af Ísfólkinu fékk aldrei að upplifa ástina á sinni stuttu, mennsku ævi. Nú óskaði hún þess af öllu hjarta að kynnast einhverjum til að elska.

En fyrst varð hún að gera grimmu nornina Gríseldu óskaðlega. Sú hafði falið sál sína og beið nú færis á því að snúa aftur og hefna sín á íbúum Ríkis Ljóssins ...

Sunna af Ísfólkinu

Loksins gat leiðangurinn mikli frá Ríki Ljóssins lagt af stað til Svörtufjalla. Margar hetjur voru með í för, þar af fjórar konur, Indra, Siska, Shira og Sunna … og einn laumufarþegi.

Fyrsta hindrunin í Myrkraríkinu var hinn nánast óendanlegi rósadalur, fullur af undarlegum og ógnvekjandi fyrirbærum …

Náttsvartar rósir

Sunnu af Ísfólkinu hafði verið lofað tækifæri á því að upplifa mannlega ást. Í ferðinni miklu út í Myrkraríkið hitti hún draumaprinsinn: Ljóslifandi riddara í brynju og með sverð.

Ekkert var þó sem sýndist utan við Ríki Ljóssins ... og auk þess átti Sunna sér annan og mun magnaðri aðdáanda ...

Umskiptingar

Hún hét Karí og hafði enga möguleika á því að lifa mannsæmandi lífi. Ekki aðeins var hún lítilfjörleg útlits heldur var hlutverk hennar sérlega neikvætt. Þegar hún hitti Armas hinn glæsilega, langt inni í Svörtufjöllum, eygði hún örlitla von um að njóta svolítillar hamingju eins og aðrir.

En hvernig gæti hann, háttsettur og virtur, séð eitthvað jákvætt í fari aumlegrar og lítilsigldrar stúlku á borð við hana ...

Sál í hlekkjum

Leiðangurinn frá Ríki Ljóssins er nú að leggja í síðasta áfangann að tæru lindinni í Svörtufjöllum. Ungi indíáninn Náttauga er sá útvaldi, kjörinn til að finna lindina.

Í för með honum eru andarnir Shira og Mar, ásamt hinum göfuga Marco Svartsalaprinsi. Ekkert þeirra má fara með Náttauga síðasta spölinn og með öllu er óvíst að hann nái takmarki sínu …

Ill örlög

Í vandræðabænum sem einnig kallaðist Litla Madrid, fékk Vörðurinn Góram mikilvægt verkefni. Unga stúlkan Silja bað um hjálp handa Sílasi, sjö ára frænda sínum, sem átti erfitt, bæði heima og í skólanum.

Samtímis var hópur af fólki frá Ríki Ljóssins nánast í reiðileysi úti í Svörtufjöllum. Leiðin heim virtist langsóttari og erfiðari en nokkru sinni fyrr …

Inn í ylinn

Drykkurinn sem átti að bjarga heiminum var tilbúinn. Strax þegar menn og verur í Ríki Ljóssins og Myrkraríkinu umhverfis það hefðu drukkið af honum, yrði hægt að færa hann mannfólkinu úti á yfirborði jarðar.

En í Myrkraríkinu, í þéttum álagaskógi með lítilli tjörn, umkringdri hvítum blómum, biðu ill öfl eftir sendiboðum Ríkis Ljóssins … einkum þó Elenu.

Myrkraríkið

Berengaria var þekkt sem einkar lífleg stúlka með brennandi áhuga á lystisemdum lífsins. Nú virtist þessi lífsþorsti horfinn og í staðinn komin hógværð, feimni og jafnvel hryggð. Allir í vinahópnum höfðu fundið sér sérstakan einkavin en Berengariu fannst hún afskipt og var einmana.

Sem betur fer var hún valin til að taka þátt í síðasta umbótaleiðangrinum til Svörtufjalla … til að gera stóru, svörtu ránfuglana skaðlausa …

Lífsþorsti

Góðu öflin í Ríki Ljóssins höfðu blandað seyði sem fjarlægja átti alla illsku úr mannsheilanum. En ef takast ætti að bjarga Jörðinni þyrfti hver einasti maður að drekka af seyðinu.

Tíminn var naumur því heimurinn var á heljarþröm, spilling og eyðilegging óð þar uppi. Sem betur fer var þó enn pláss fyrir ást og kærleika …

Upp og áfram

Lilja og Góram elskuðu hvort annað en Góram var Æðstivörður og laut ströngum reglum þeirra. Sá eini sem gæti bjargað ást þeirra var galdrameistarasonurinn Dólgur.

Á ferðum sínum við að bjarga Jörðinni lá leið Dólgs, Górams og Lilju til Taran-gai, þar sem álagabarnið Mar hafði fyrir löngu snúist á sveif með góðu öflunum. Nú var svæðið á valdi þriggja illra vera sem ruddu úr vegi öllum sem reyndu að stöðva þær.

Innsta þráin

Voldug og ill öfl vinna gegn Ríki Ljóssins í baráttunni við að bjarga plánetunni Jörð. Þau hafa til umráða veiru sem gæti eytt þar öllu lífi og það voru líka þau sem höfðu rænt galdrameistaranum Móra og Berengariu og falið.

Armasi er mikið í mun að bjarga Berengariu og verða hetja í augum hennar og þess vegna finnst honum hann órétti beittur við að þurfa að passa Lissu … ofdekraða og freka unglingsstúlku sem þar að auki er dópfíkill …

Banvænt sakleysi

Fulltrúar Ríkis Ljóssins þurftu að ljúka tveimur mikilvægum verkefnum: Að finna Berengariu og Móra og taka ræningja þeirra, Lenóru og Talornín, úr umferð.

Armas hlakkaði til að verða hetjan hennar Berengariu en sá ekki sársaukann í augum ungu stúlkunnar Lissu. Og hinn ódauðlegi Marco sem hópurinn gat ekki án verið var alveg úti á þekju því í fyrsta sinn á langri og ótrúlegri ævi var hann ástfanginn …

Ríki Ljóssins - serían

Ríki Ljóssins - serían

Ríki Ljóssins bækurnar í röð

Hlustaðu og lestu