App Store

Google Play

{{seriesTitle}} - serían

is Device Banner Block 894x1036

Stígðu inn í heim af óteljandi sögum

Hlustaðu og lestu

Henning Mankell

Kaldan janúarmorgun árið 1990 uppgötvar bóndi á Skáni í Svíþjóð sér til mikillar skelfingar að nágrannar hans hafa verið myrtir um nóttina. Og það með einstaklega hrottafengnum hætti. Hið eina sem lögreglan, undir stjórn Kurts Wallander, hefur til að byggja á rannsókn sína er hinsta orð konunnar: „útlenskir“. Þegar þetta spyrst út veldur það miklum úlfaþyt í samfélagi þar sem fjölmennir hópar flóttamanna búa við sífellt vaxandi fjandskap öfgafullra kynþáttahatara. Leitin að morðingjanum leiðir því lögreglumennina í gegnum ýmis skúmaskot sænska fyrirmyndarsamfélagsins og hatrömm átök eiga sér stað um viðkvæm mál. 

Henning Mankell er einn þekktasti spennusagnahöfundur heims og sögur hans hafa notið mikilla vinsælda hér á landi líkt og annars staðar. Morðingi án andlits er fyrsta bók hans um Kurt Wallander, rannsóknarlögreglumanninn vinsæla, sem nú þarf að taka á öllu sínu til þess að leysa flóknar ráðgáturnar. Hér í frábærum lestri Haralds Ara Stefánssonar.

Haraldur Ari Stefánsson

Mál og menning

Kurt Wallander

Morðingi án andlits

Vigfús Geirdal

Sovétveldið er hrunið og Lettland orðið sjálfstætt ríki en þar leynast valdamiklir menn með sterk tengsl við rússnesku mafíuna. Sænski rannsóknarlögreglumaðurinn Kurt Wallander fær dularfullt mál til rannsóknar þegar lettneskan gúmmíbát með tveimur líkum innanborðs rekur á land í Suður-Svíþjóð. Starfsbróðir hans, Liepa, er sendur frá Lettlandi til að aðstoða við rannsóknina en snýr fljótt heim aftur þar sem talið er að mroðin tengist deilum innan mafíunnar. Stuttu seinna berast þær fréttir frá Riga að Liepa haf verið myrtur við komuna heim og Wallander heldur þangað án þess að hafa hugmynd um hvað hann á í vændum ...

Henning Mankell er einn þekktasti spennusagnahöfundur heims og sögur hans hafa notið mikilla vinsælda hér á landi líkt og annars staðar. Hundarnir í Riga er önnur bók hans um Kurt Wallander, rannsóknarlögreglumanninn vinsæla, sem nú þarf að taka á öllu sínu til þess að leysa flóknar ráðgáturnar. Hér í frábærum lestri Haralds Ara Stefánssonar.

Hundarnir í Riga

Louise Åkerblom hefur gufað upp – tveggja barna móðir, sannkristin kona í farsælu hjónabandi og duglegur fasteignasali. Þegar Kurt Wallander og félagar hans í lögreglunni komast á slóð hennar úti í skógi springur hús í grenndinni í loft upp og skömmu síðar finna þeir afhöggvinn fingur af blökkumanni. Hér er ofinn mikill vefur launráða og samsæris sem teygir sig yfir heimsálfurnar.

Hvíta ljónynjan er þriðja bókin um Kurt Wallander rannsóknarlögreglumann sem kemur út á íslensku. Henning Mankell er einn þekktasti spennusagnahöfundur heims og sögur hans hafa notið mikilla vinsælda hér á landi líkt og annars staðar.

Hvíta ljónynjan

Lögmaður er myrtur seint um kvöld eftir að hafa heimsótt frægan milljarðamæring í höll hans. Nokkrum dögum síðar er sonur hans líka myrtur. Á sama tíma kvelst Kurt Wallander af þunglyndi, staðráðinn í að kveðja starf rannsóknarlögreglumannsins. En þegar honum berast tíðindin af dauða feðganna endurskoðar hann ákvörðun sína og snýr aftur til starfa. Við blasir flókinn heimur fjármálaglæpa og voldugur andstæðingur sem einskis svífst til að koma fram vilja sínum. 

Brosmildi maðurinn er fjórða bókin um Kurt Wallander rannsóknarlögreglumann sem kemur út á íslensku. Henning Mankell er einn þekktasti spennusagnahöfundur heims og sögur hans hafa notið mikilla vinsælda hér á landi líkt og annars staðar.

Brosmildi maðurinn

Kurt Wallander rannsóknarlögreglumaður er staddur úti á akri í yndislegum sumarhita og sól þegar ung kona birtist honum skyndilega í ljósum logum. Wallander er hrifsaður úr sumarsælunni og inn í atburðarás þar sem röð af dýrslegum morðum eru framin. Hver eru tengslin á milli fyrrverandi dómsmálaráðherra, forríks listaverkasala og smáþjófs og af hverju flettir morðinginn fórnarlömb sín höfuðleðrinu? Getur verið að unga konan á akrinum sé hluti af þessum óhugnarlegu drápum? 

Á villigötum er fimmta bókin um Kurt Wallander rannsóknarlögreglumann sem kemur út á íslensku. Henning Mankell er einn þekktasti spennusagnahöfundur heims og sögur hans hafa notið mikilla vinsælda hér á landi líkt og annars staðar.

Á villigötum

Stjörnubjarta nótt fer hæglátur gamall maður út til að fylgjast með brottför farfuglanna frá Skáni. Þegar Kurt Wallander lögregluforingi kemur á vettvang hangir gamli maðurinn stjaksettur til dauðs á oddhvössum bambusstöngum. 

Skömmu seinna hverfur blómasali sporlaust og finnst líka líflátinn úti í skógi. Kurt Wallander og félögum hans í lögreglunni í Ystad verður fljótlega ljóst að morðin tengjast og snúast um hefndir. En aldrei fyrr hefur Wallander átt í höggi við svo útsmoginn og kaldrifjaðan morðingja ...

Fimmta konan er sjötta bókin um Kurt Wallander rannsóknarlögreglumann sem kemur út á íslensku. Henning Mankell er einn þekktasti spennusagnahöfundur heims og sögur hans hafa notið mikilla vinsælda hér á landi líkt og annars staðar.

Fimmta konan

Á björtu sumarkvöldi hittast nokkur ungmenni á afviknum stað á Skáni til að fagna Jónsmessunni úti í náttúrunni. Þau eru í grímubúningum, full gleði og tilhlökkunar. Lífið brosir við þeim. En álengdar stendur maður sem brosir ekki, heldur bíður þess að gleðin nái hámarki. Þá lætur hann til skarar skríða. 

Kurt Wallander rannsóknarlögreglumaður glímir við heilsuleysi og óyndi að afloknu sumarleyfi en þegar samstarfsmaður hans til margra ára finnst myrtur í íbúð sinni verður allt annað að víkja. Einu haldbæru vísbendingarnar í málinu eru tvær ljósmyndir, önnur af óþekktri konu, hin af kátum ungmennum í gamaldags búningum og með hárkollur. Brátt er Wallander kominn á blóði drifna slóð morðingjans en það liggur á: Kaldrifjaður byssumaður gengur laus – og lögreglan er skrefi á eftir. Hér sem áður í mögnuðum lestri Haraldar Ara Stefánssonar.

Skrefi á eftir

Maður staðnæmist á götu til að taka peninga út úr hraðbanka en hnígur skyndilega niður og deyr. Tvær unglingsstúlkur myrða leigubílstjóra á hrottafenginn hátt. Þær eru handteknar en önnur þeirra flýr úr haldi lögreglu og hverfur sporlaust. Skömmu síðar verður hálft landið rafmagnslaust þegar skammhlaup verður í afskekktri spennistöð. Þar finnst brunnið lík sem minnir einna helst á múmíu ...

Henning Mankell er einn þekktasti spennusagnahöfundur heims og sögur hans hafa notið mikilla vinsælda hér á landi líkt og annars staðar. Eldveggur er áttunda bók hans um Kurt Wallander, rannsóknarlögreglumanninn vinsæla, sem nú þarf að taka á öllu sínu til þess að leysa flóknar ráðgáturnar. Hér í frábærum lestri Haralds Ara Stefánssonar.

Eldveggur

Lögreglan í Ystad finnur afhöggvið mannshöfuð og saman­fléttaðar hendur – eins og greipar spenntar í bæn – í skóglendinu utan við bæinn. Ýmis undarleg atvik, meðal annars fólskulegar árásir á dýr, vekja ugg í brjósti Wallanders um að vænta megi mannvíga í stórum stíl.

Linda Wallander býr sig undir störf í lögreglunni við hlið föður síns. Hún er skapmikil eins og hann og fer ótroðnar slóðir – en skortir reynslu. Linda sökkvir sér ofan í málið og rannsóknin leiðir hana á slóð trúarofstækismanna sem vilja refsa syndurum heimsins. Hættur leynast við hvert fótmál og minnstu byrjendamistök gætu kostað hana lífið. Lindu Wallander er ekki fisjað saman frekar en föðurnum og með þátttöku hennar eykst spennan enn og rannsókn glæpamálsins fær nýja vídd.

Fyrir frostið er níunda bókin um Kurt Wallander rannsóknarlögreglumann sem kemur út á íslensku. Henning Mankell er einn þekktasti spennusagnahöfundur heims og sögur hans hafa notið mikilla vinsælda hér á landi líkt og annars staðar.

Fyrir frostið

Þórdís Gísladóttir

Einn vetrardag árið 2008 hverfur hátt settur sænskur sjóliðsforingi, Håkan von Enke, á daglegri morgungöngu sinni. Málið snertir Kurt Wallander lögreglufulltrúa í Ystad persónulega vegna þess að von Enke er tengdafaðir Lindu dóttur hans.

Þegar eiginkona von Enke hverfur líka jafn sporlaust og á jafn dularfullan hátt verður Wallander enn helteknari af gátunni. Smám saman eru þræðir raktir aftur til kalda stríðsins, grimmrar samkeppni stórveldanna í austri og vestri. Kannski er málið margfalt alvarlegra en Svíar hafa áður kynnst. En það er erfitt að fá góða yfirsýn því margir vilja varpa ryki í augu Wallanders.

Á sama tíma birtist ennþá dekkra ský á himni hans …

Órólegi maðurinn er tíunda bókin um Kurt Wallander rannsóknarlögreglumann sem kemur út á íslensku. Henning Mankell er einn þekktasti spennusagnahöfundur heims og sögur hans hafa notið mikilla vinsælda hér á landi líkt og annars staðar.

Órólegi maðurinn

Hólmfríður K. Gunnarsdóttir

Kurt Wallander þráir að flytja upp í sveit til að eiga sín síðustu ár fjarri borgarys. Hann grípur því fegins hendi tilboð Martinssons vinnufélaga síns um að skoða gamalt hús sem hann er með til sölu fyrir ættingja. En í garðinum við húsið hnýtur Wallander um eitthvað sem ekki á að vera þar: hönd af manneskju sem hefur legið í leynilegri gröf í hálfa öld. Hver var hún? Og hver gróf hana þarna?

Höndin er tíunda bókin um Kurt Wallander en gerist í tíma á undan Órólega manninum, og er sú allra síðasta um Wallander rannsóknarlögreglumann. Henning Mankell er einn þekktasti spennusagnahöfundur heims og sögur hans hafa notið mikilla vinsælda hér á landi líkt og annars staðar.

Höndin

Hér birtist hin geysivinsæla sería um Kurt Wallander rannsóknarlögreglumann, í frábærum lestri Haralds Ara Stefánssonar. Henning Mankell er einn þekktasti spennusagnahöfundur heims og sögur hans hafa notið mikilla vinsælda hér á landi líkt og annars staðar.



Kurt Wallander - serían

Kurt Wallander - serían

Kurt Wallander bækurnar í röð

Hlustaðu og lestu