App Store

Google Play

is Device Banner Block 894x1036

Stígðu inn í heim af óteljandi sögum

Hlustaðu og lestu

Hallgrímur Thorsteinsson

Skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara..

Segðu mér sögu

Það eru sjaldnast rólegheit hjá Þórunni E. Clausen. Á milli þess sem hún les inn hjá Storytel glæpasögur sænska metsöluhöfundarins Vivecu Sten (sem vinsælir sjónvarpsþættir hafa verið gerðir eftir) þeytist hún á milli verkefna í leiklistinni og söngnum. En við tölum líka um nýja plötu sem er í smíðum með lögum hennar, sem hún segist loks hafa gefið sér tíma til að hella sér í.

Þórunn Erna Clausen

Ragnar Jónasson er lögfræðingur að mennt og starfar sem slíkur í fjármálaheiminum. Honum skaut hratt upp á vinsældarlista glæpasagnanna með skáldsögum sínum um þau Ara Þór lögreglumann og Huldu. Fyrsta bókin, Fölsk nóta, kom út árið 2009 og sú nýjasta og 11. í röðinni Þorpið, haustið 2018. Eins hefur Ragnar þýtt fjórtán skáldsögur Agöthu Christie á íslensku en þar á meðal eru bækurnar um Hercule Poirot sem eru væntanlegar á Storytel í lestri Arnar Árnasonar.

Viðtalið var tekið í Iðnó haustið 2018 á glæpasagnahátíðinni Iceland Noir en þar segir Ragnar að hann hafi viljað hvíla seríurnar um Ara og Huldu í nýjustu bókinni og hafa hana staka í höfundarverkinu.

Ferillinn hefur æxlast þannig hjá Ragnari að Frakkland er orðinn hans stærsti markaður. Ragnar segir að nú þurfi hann að fara að læra frönsku, því vinsældunum fylgja auknar kröfur um að hann hitti lesendur sína og kynni bækur sínar þar.

Hallgrímur Thorsteinsson er einn ástsælasti fjölmiðlamaður Íslendinga. Í nýrri hlaðvarpsseríu, Segðu mér sögu með Halla Thorst, kynnir hann hlustendur Storytel fyrir höfundum okkar vinsælustu bóka. Einstaklega skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara.

Ragnar Jónasson

Ingvi Þór Kormáksson hlaut Gaddakylfuna árið 2009 fyrir bestu glæpasmásöguna, Hliðarspor, sem kom út ári síðar í smásagnasafninu Raddir úr fjarlægð. Hér á Storytel er síðan að finna skáldsöguna Níunda sporið sem hann sendi frá sér árið 2016. Ingvi Þór hefur líka látið kröftuglega til sín taka á tónlistarsviðinu.

Ingvi Þór Kormáksson

Álfrún Helga Örnólfsdóttir er búin þeim fágæta hæfileika að láta andrúm hverrar sögu líða fram til fulls í flutningnum á tæran og átakalausan en um leið beinskeyttan hátt. Álfrún er lesari á þriðja tug bóka hér á Storytel, þ.á.m. hinnar vinsælu Hjartablóðsseríu Söndru B. Clausen, glæpasagna Yrsu Sigurðardóttur og Mary Higgins Clark og tveggja bóka eftir Virginiu Wolf, þar sem hugarflæði Wolf er svo óhamið að sumar setningar spanna tugi lína. Álfrún er margsjóuð leikkona á sviði, í kvikmyndum og sjónvarpi auk þess sem hún er byrjuð að semja leikverk sjálf. Nýlega lauk hún jafnframt meistaranámi í sviðslistum frá LHÍ.

Álfrún Helga Örnólfsdóttir

Fáar sjónvarpsþáttaseríur síðari tíma hafa notið viðlíka hylli og Game of Thrones. Stundum er haft á orði að aðdáendur sagnabálksins skiptist í tvo hópa: lesendurna, þeirra sem finnst bækurnar betri og hafa lesið seríuna Song of Ice and Fire eftir George R. R. Martin og svo áhorfendurna, sem njóta þess að sökkva sér í algleymi sjónvarpsþáttaraðarinnar. Nú þegar bálkurinn er loks fáanlegur í hljóðbókarformi er að verða til þriðja tegund Game of Thrones aðdáendans, hlustandinn. Og með flutningi Péturs Eggerz, leikara og leiðsögumanns, verður hlustandinn svo sannarlega í góðum höndum. Pétur lýsir því í viðtalinu hvernig hann tókst á við það vandasama hlutverk að gerast sögumaðurinn í þessu magnaða bókmenntaverki.

Pétur Eggerz

Sólveig Guðmundsdóttir er lesari hér á Storytel. Hún lærði leiklist við The Arts Educational School í London og útskrifaðist árið 2002. Sólveig hefur unnið sem sjálfstætt starfandi leikkona, höfundur og framleiðandi við fjölda leiksýninga með sjálfstæðum leikhópum.

Hún fékk Grímuverðlaunin árið 2017 sem leikkona ársins í aðalhlutverki fyrir Sóleyju Rós ræstitækni sem Sólveig skrifaði ásamt Maríu Reyndal leikstjóra og verkið hlaut einnig verðlaun sem leikrit ársins. Nú vinnur hún að gerð sjónvarpsþátta um Sóleyju Rós.

Sólveig hefur farið með hlutverk í hinum ýmsu útvarpsverkum, sjónvarpsþáttum og kvikmyndunum m.a. Pressu, Kaldri slóð, Andið eðlilega (sem nú má sjá á Netflix), Lof mér að falla og Tryggð.

Sólveig hlaut líka tvenn Grímuverðlaun 2015 fyrir barnaleikritið Lífið - stórkostlegt drullumall sem hún samdi ásamt öðrum listamönnum sýningarinnar. Og Menningarverðlaun DV hlaut hún 2017 fyrir leik sinn í Illsku og Sóleyju Rós. Hér á Storytel les hún m.a. Katrínu miklu og bækur Elsebeth Egholm, Eigin áhætta og Leyndir gallar.

Sólveig Guðmundsdóttir

Snjólaug Bragadóttir er ein af fáum rithöfundum á Íslandi sem skrifaði ástarsögur af þeirri tegund rómantískra ástarsagna sem hér er ætlunin að fjalla um. Hún gaf út tólf ástarsögur áður en hún hætti að skrifa og snéri sér alfarið að þýðingum. Hún á t.d. heiðurinn að frábærum þýðingum á bókunum um Ísfólkið og hefur löngum verið einn aðalþýðandi Stöðvar 2.

Allar sögur Snjólaugar er að finna á Storytel í frábærum lestri Þórunnar Hjartardóttur.

Snjólaug undirbýr þessa dagana Storytel útgáfur af bókum móður sinnar Guðbjargar Hermansdóttur, sem fór óvænt að dæmi dóttur sinnar á sínum tíma og hóf að semja skáldsögur á miðjum aldri.

Snjólaug Bragadóttir

Jón Páll Björnsson sagnfræðingur, starfar hjá Minjasafni Reykjavíkur. Í frístundum hefur hann verið að spinna saman ævintýraheim, þar sem hinn stórskemmtilegi svikahrappur Lavander leikur aðalhlutverk. Upphaflega bjó Jón Páll til þennan furðuheim, með landakortum og hvaðeina fyrir tvo frændur sína. Lavander öðlaðist sjálfstætt líf og síðan hafa bækurnar komið hver af annarri.

Jón Páll Björnsson

Svandís Dóra Einarsdóttir hefur um árabil verið ein okkar allra uppteknasta leikkona. Þessa dagana býr hún sig undir aðalhlutverk í enn einni sjónvarpsseríunni sem hún segir mjög spennandi verkefni. Þættirnir heita Afturelding og gerast í kvennahandboltanum í Mosfellsbæ. Leikstjóri verður Hafsteinn Gunnar Sigurðsson sem leikstýrði Undir trénu og handritshöfundur með honum Halldór Halldórsson. 

En Svandís hefur jafnframt gefið sér góðan tíma hér hjá Storytel að undanförnu við að að lesa inn bækurnar um Ísfólkið.

Svandís Dóra Einarsdóttir

Davíð Guðbrandsson hefur lesið inn um tvo tugi bóka hér á Storytel, þar á meðal þrjá spennutrylla eftir Stefán Mána. Þar fyrir utan er utan er hann önnum kafinn við leik í sjónvarpsþáttum auk þess að vera eftirsótt rödd í auglýsingum. Hér segir hann okkur meðal annars frá gerð nýrrar norrænnar sjónvarpsþáttaraðar sem hann tekur nú þátt í, þar sem töluð eru fimm tungumál.

Ingvi Þór Kormáksson

Ingvi Þór Kormáksson

Hlustaðu og lestu

Other podcasts you might like ...