Víghólar

Vinnuvélar verktakafyrirtækis eru stórskemmdar í skjóli nætur. Illa útleikin lík finnast á nokkrum stöðum á landinu. Margt bendir til að þarna séu að verki aðilar úr öðrum heimi. Lögreglan fær Bergrúnu Búadóttur huldumiðil til að aðstoða við rannsókn málsins. Fljótlega kemur í ljós að myrk og máttug öfl seilast til aukinna valda bæði í Mannheimi og Hulduheimi.

Bergrún og Brá, tvítug dóttir hennar, leggja af stað í ferðalag sem fljótlega umbreytist í háskaför þar sem þær þurfa að kljást við óútreiknanlega og máttuga andstæðinga. Samhliða því myndast mikil spenna í sambandi mæðgnanna sem verður til þess að leiðir þeirra skilja.

Emil Hjörvar Petersen hefur sannað sig sem einn helsti fantasíuhöfundur Íslands. Eftir hann liggur rúmur tugur skáldsagna þar sem hann sýnir fádæma breidd og fléttar gjarnan saman sagnahefðum. Þar á meðal eru Saga eftirlifenda, Hælið og Dauðaleit. Víghólar er fyrsta bókin í hinum dáða bókaflokki Handan Hulunnar sem notið hefur mikilla vinsælda og hlotið einróma lof gagnrýnenda.

★ ★ ★ ★ „Spennandi og skemmtileg íslensk fantasía. Bókin er vel skrifuð ... Þegar atburðarás sögunnar er komin vel af stað er bókin ein af þeim sem helst þarf að klára á einu kvöldi." - Vilhjálmur A. Kjartansson, Morgunblaðinu

„Æsileg saga sem er í senn ævintýrasaga og glæpasaga með hraðri og spennandi atburðarás og trúverðugum persónum." - Árni Matthíasson, Morgunblaðinu

„Bókin er mjög spennandi og samtvinnun fantasíu- og glæpasagnaformsins afar vel heppnuð." - Kristín Magnúsdóttir, Starafugl.is

© 2019 Storyside (Hljóðbók): 9789179232924
© 2024 Storyside (Rafbók): 9789180856874

Útgáfudagur

Hljóðbók: 22 juli 2019
Rafbók: 7 maj 2024