Margar af bókum Andra Snæs Magnasonar eru nú aðgengilegar á Storytel í hans eigin lestri. Af því tilefni fara Andri Snær og Eydís Blöndal um víðan völl í spjalli á Sögusviði Storytel. Þar ræða þau meðal annars nútímann, facebook, hinn umdeilda nýja bónusgrís og mörk vináttunnar.

Sögusvið Storytel eru skemmtilegir spjallþættir um bókmenntir og allt sem þeim við kemur. Þættirnir eru byggðir á samtölum ýmissa vel þekktra rithöfunda og bókmenntaunnenda, sem fara um víðan völl í spjallinu á Sögusviðinu. Til viðtals eru höfundar nýrri jafnt sem eldri verka, sem allir eiga það sameiginlegt að hafa nýlega fært verk sín yfir á hljóðform hjá Storytel. Sögusviðinu er dreift bæði í hljóði og mynd og er aðgengilegt á öllum helstu veitum.