Storytel kynnir Fimivarpið! Hin dásamlega Margrét Erla Maack sér um heimaleikfimi á hljóðbókarformi. Tímarnir eru 10-30 mínútur og hafa mismunandi þemu. Æfingarnar er hægt að gera heima við eða á vinnustað og eru tilvaldar til að koma sér í gang fyrir daginn, finna fókusinn um miðjan dag eða gera í lok vinnudags. Æfingarnar eru gerðar til að liðka, styrkja og gleðja, en ekki endilega til að missa kíló.

Dansleikfimin í þessum þætti er með burlesque-bragði. Dýrðarljómi liðinnar tíðar svífur yfir vötnum í þessum kynþokkafyllsta hlaðvarpsleikfimitíma sögunnar! Komdu út fyrir skelina í vernduðu umhverfi og finndu sjálfsöryggi og húmor í hreyfingunum.