Storytel kynnir Fimivarpið! Hin dásamlega Margrét Erla Maack sér um heimaleikfimi á hljóðbókarformi. Tímarnir eru 10-30 mínútur og hafa mismunandi þemu. Æfingarnar er hægt að gera heima við eða á vinnustað og eru tilvaldar til að koma sér í gang fyrir daginn, finna fókusinn um miðjan dag eða gera í lok vinnudags. Æfingarnar eru gerðar til að liðka, styrkja og gleðja, en ekki endilega til að missa kíló.

Í þessum þætti er farið í gólfæfingar. Við byrjum á að hita líkamann upp og svo gerum við styrktaræfingar og endum á teygjum. Margrét mælir gegn því að gera æfingarnar á steingólfi eða flísum, gott er að setja teppi undir eða jógadýnu ef gólfið er hart. Trégólf er best.