App Store

Google Play

Details page - Device banner - 894x1036

Step into an infinite world of stories

Listen and read

Raghuvir Kulkarni

रघुवीर कुलकर्णी लिखित व्यक्तिचित्र : अब्दुल

भायखळा ब्रीजवरून फिरायला जाताना मला नेहमी अब्दूल भेटत असे. अब्दुल आमचा हजाम. वीस- बावीस वर्षांपर्यत तोच आमचे केस भादरायचा. अब्दुल बरोबर नऊ वाजता घरी हजर होत असे. त्याच्या पेटीत विविध प्रकारची केस कापायची हत्यारे होती. केस कापत असताना तो तुलसीरामाचे रामायणाचे दोहे गात असे. उत्तर प्रदेशातील गावाकडे रामलीलेशिवाय त्याने काही ऐकले नव्हते. 
अचानक एकदा तो दोन तीन महिने दिसला नाही तेव्हा कॉलनीत अस्वस्थता पसरली. हा गेला कुठे असे सगळे विचार करत असताना अब्दुल शर्ट, पॅंट घालून आणि कातडी बॅग घेऊन आला. एका पारशी बाबाची दाढी करण्यासाठी अब्दुल लंडनला गेला आणि पूर्ण बदलून आला. एका फॉरेन रिटर्न बार्बरची ही कहाणी...

Storyside IN

Kul Vyaktichitre

Kul Vyaktichitre : Abdul

रघुवीर कुल लिखित व्यक्तिचित्र : लोलक

ही कथा आहे दोघी जणींची. स्वाती ही कोकणस्थ ब्राह्मण मुलगी. सतत नंबरात येणारी हुशार मुलगी. डाव्या हाताने झोपेतसुध्दा उत्तर लिहू शकणारी ही हुशार मुलगी पण तिने आईने ठरवलेल्या समोर आलेल्या एका सामान्य कारकून मुलाशी लग्न केले आणि तिच्या संसाराची परवड सुरू झाली. दहा वर्षात तिला एक मुलगी आणि मुलगा झाला पण कारकून नव-याला मात्र तिचा उत्कर्ष सहन झाला नाही. तिच्या मुलीची तर आणखीच वेगळी त-्हा. मायलेकीचं वेगळंच नातं होतं. लेकीचं डोळ्यासमोर घसरणीला लागलेले जीवन ती कशी सावरणार होती?

Kul Vyaktichitre : Lolak

रघुवीर कुल लिखित व्यक्तिचित्र : भालू काका

भालूकाका म्हटले की शेतावरच्या बांधावरून चालणारे पाय, चप्पल आणि धोतर हे डोळ्यासमोर दिसते. भालूकाकाचा हा खास गावाकडचा वेष. भालूकाका आम्हा पोरांना घेऊन शेतात गेला बंगला दाखवायला. आणि आपली गोठ्याशेजारची झोपडी दाखवून म्हणाला हा माझा बंगला. 
गुळाचे गु-्हाळ लागले की आम्ही गावाकडे शेतात जायचो. भालूकाका बरोबरच्या शेतात घालवलेल्या रात्रींच्या अनेक कहाण्या आहेत. त्याने एकदा माळवदावर मुंग्यांचे युध्द दाखवले होते. अगदी महाभारतातील युध्दाप्रमाणे चालणारे. रानडुकराच्या शिकारीच्या कथा ऐकाव्यात ते भालूकाकाकडूनच!

Kul Vyaktichitre : Bhalukaka

रघुवीर कुल लिखित व्यक्तिचित्र : व्यंकू

व्यंकू म्हणजे माझ्या थोरल्या काकूचा मोठा भाऊ. साधारण ४०- ४५ वर्षाचा ! तो आला की बाकी कोणाशी न बोलता , न हसता सरळ स्वयंपाकघरात कााम करत असलेल्या काकूसमोर जाऊन उभा राहत असे. काकूपेक्षा मोठा असून तो अविवाहित होता. खरं तर त्याच्यापेक्षा बावळट माणसांची लग्ने होऊन पोरंही झाली होती पण त्याचे लग्न कोणीच मनावर घेत नसे. व्यंकूचा जन्म विजापूरचा. तो लहान असताना रात्री रडण्याचा आवाज आला म्हणून आई जागी झाली व पाहिले तर हा पाळण्याबाहेर येऊन खोलीच्या कोप-यात रडत होता. हा प्रकार वारंवार घडत असे. व्यंकू पाळण्याबाहेर कसा पडतो हे कुणालाच कळत नसे. व्यंकू आपल्या जगातला कधीच वाटायचा नाही. त्याचं शुन्यात बघणं, दुस-याला वाट करून देणं, कमीतकमी बोलणं हे सगळंच जगावेगळं वाटत असे. एलियन असल्यासारखे ...

Kul Vyaktichitre : Vyanku

रघुवीर कुलकर्णी लिखित व्यक्तिचित्र : शक्तीकुमार

Kul Vyaktichitre : Shaktikumar

रघुवीर कुल लिखित व्यक्तिचित्र : अय्या गोडबोले

अय्या गोडबोलेची आठवण येण्याचे कारण म्हणजे आताच बीबीसीवर ऐकले की थायलंडमध्ये शाळांमध्ये तृतियपंथींसाठी वेगळी स्वच्छतागृहे ठेवली जातात. अय्या हा कॉलेजमध्ये नेमका आमच्या वर्गात आला. अय्याला अनेक नावे पडली होती गुलाब, छगन, मिठ्ठा, पावली, पानी कम अशी कितीतरी. अय्याचा बाप मिलिटरीत होता. एकदम रांगडा माणूस. बंदूकीच्या गोळीवर आापले नाव नसले तर बॉंब वर्षावातही कसे वाचतो ही गोष्ट सांगताना त्याला आपल्या पोरातील विरोधाभास दिसत होता. महाविद्यालयात अय्या गोडबोलेसारख्या विद्यार्थ्यांना कोणत्या त्रासातून जावे लागते याचे हे व्यक्तिचित्र.

Kul Vyaktichitre : Ayya Godbole

रघुवीर कुल लिखित व्यक्तिचित्र : ईशान आर्य

ईशान आर्य हा हिंदी चित्रपट सृष्टितील प्रसिध्द छायाचित्रकार. ईशान मुंबईत आला आणि कैफी आझमींकडे राहयला आला. ईशान एहसान चा आर्य समाज पध्दतीने विवाह झाला तेव्हापासून त्याने आर्य हे नाव घेतले. गरम हवा या चित्रपटाचा सिनेमॅटोग्राफर म्हणून ईशानचे नाव झाले. 
शिवाजी गणेशनच्या अनेक फिल्मस त्याने केल्या. सॅटिनच्या कापडाचा स्किमर म्हणून वापर करणे त्यानेच सुरू केले. त्याला छायचित्रकार म्हणून राष्ट्रपती पारितोषिकही मिळाले. या संवेदनाशील कलावंताचे हे व्यक्तिचित्र तुम्हाला नक्कीच आवडेल.

Kul Vyaktichitre: Ishan Arya

रघुवीर कुल लिखित व्यक्तिचित्र : प्रोफेसर सहस्रबुद्धे

दादरला शिवसेना भवन आणि आझाद रेस्टॉरन्टच्या मधल्या त्रिकोणी फूटपाथवर नेहमी बसणारा हा भिकारी. कुरळे केस, दाढीचे खुंट आणि हातात पिवळा हत्तीची सिग्रेट. त्याला सगळे प्रोफेसर म्हणत. असे अनेक वेडे दादरला दिसत. प्रत्येकाचे वेगळे नाव आणि वेगळी त-हा. प्रोफेसर मात्र तसे नव्हते. ट्रॅफिक आयलंडच्या त्रिकोणात बसणा-या या प्रोफेसरकडे पी.एच.डी. करणाारे आणि आयआयटीमधली पोरं प्रॉब्लेम्स घेऊन येत. एक सिगारेटचे पाकीट आणि चहा देऊन आपण आणलेले गणित सोडवून घ्यायचे. गणिताने वेड्या केलेल्या या माणसाला आयुष्याचे गणित काही सुटले नव्हते. त्यांची नेमकी काय कहाणी होती?

Kul Vyaktichitre : Professor Sahastrabuddhe

रघुवीर कुल लिखित व्यक्तिचित्र : दास धायमाडे

दास धायमाडे म्हणजे चित्रपट क्षेत्रात नाव मिळवलेले उत्तम संकलक. ह्रषिकेष मुखर्जींसारख्या नावाजलेल्या दिग्दर्शक आणि संकलकांच्या हाताखाली तयार झालेले. दासबाबू म्हणजे सकाळी आठ वाजता काम सुरू करून साडेचारला संपवणार. रात्री जागरणे न करता अतिशय शिस्तबध्द काम करत असत. चित्रपट दोन टेबलवर तयार होतो. लेखकाच्या आणि संकलकाच्या टेबलवर हे त्यांचे मत होते. त्यांच्या संकलनाच्या अनेक कथा चित्रपट क्षेत्रात सांगितल्या जातात आणि त्यातून शिकायलाही भरपूर मिळते. हा सिनेमा कधीच संपू नये असा वाटणारा...

Kul Vyaktichitre : Das Dhaymade

रघुवीर कुलकर्णी लिखित व्यक्तिचित्र : देवी महात्म्य

बिलिव्ह इट ऑर नॉट आणि फ्रॅकन्ली स्पीकींग या सदराचं नवीन डिझाईन करण्याच्या निमित्ताने माझी देवीशी स्टार ॲन्ड स्टाईल या इंग्रजी फिल्मी मॅगेझीनमध्ये गाठ पडली प्रसिध्दीच्या शिखरावर असलेली देवयानी चौबळ आणि तिचा मसालेदार कॉलम बिलिव्ह ईट ऑर नॉट म्हणजे एक प्रकरणच होतं. मासिकाच्या चौकटीत बसवता येतील इतके लेआउट मी दर दिवसाआड करत होतो. जवळजवळ महिनाभर हा उद्योग चालला होतो पण जमत काही नव्हतं. पण संपादिकेने काही तरी नविन पाहिजे म्हणून टूम काढली होती. खऱं सांगायचे तर देवीच्या कॉलमला ले-आउटची गरजच नव्हती. तीची स्टाईलच हटके होती. वाचताना वाटतं की देवी समोर बसून गप्पा मारते आहे. सो कॅज्युअल म्हणूनच अवघड!